موږ څوک یو:
د ستراتیژیکو او سیمه ییزو مطالعاتو افغان انسټیټیوټ یو علمي او تحقیقاتي بنسټ دی چې د مهمو سیمه ایزو مسایلو په اړه د علمي خبرو اترو، څیړنو او کلتوري همکاریو پرمختګ ته وقف شوی دی.
دا انسټیټوټ چې د افغانستان په پلازمینه کابل کې تاسیس شوی، د آسیا، مرکزي آسیا، جنوبي اسیا او د سیمې د هیوادونو د پالیسي جوړونکو، پوهانو، څېړونکو او همکارانو ترمنځ د خبرو اترو او همکارۍ لپاره د یو علمي او څیړنیز مرکز په توګه کار کوي.
موږ څه کوو؟:
د علمی بحثونو اسانه کول:
د ستراتیژیکو او سیمه ییزو مطالعاتو افغان انسټیټیوټ د سیمه ایز اتصال، کلتوري تبادلو، اقتصادي اړیکو، او جیو پولیټیکي متحرکاتو په اړه د ژورو اکادمیکو بحثونو او تبادل نظر لپاره یو پلیټ فارم چمتو کوي. دا انسټیټیوټ د علمي سیمینارونو، تحقیقاتي ورکشاپونو او کنفرانسونو د تدویر له لارې، د فکري تبادلې او سیمه ایزې همکارۍ لپاره مناسب چاپیریال را مینځ ته کوي.
د سیمه ایزو پروژو څیړنه او دفاع :
د ستراتیژیکو او سیمه ییزو مطالعاتو افغان انسټیټیوټ د افغانستان او د سیمې له هیوادونو سره د مشترکو مهمو او لویو اقتصادي او انکشافي پروژو لکه یو کمربند او یوې لارې نوښت {BRI} د ټاپي {TAPI} سیمه ایزه پروژه ، د افغان ټرانز د اورګاډي سیمه ایزه پروژه او ددې په څیر د نورو لویو اقتصادي پروژو د تطبیق لپاره د څیړنو او تحقیقي خپرونو له لارې ملاتړ کوي او په سیمه کې د اقتصادي همغږۍ او د خلکو تر مينځ د ارتباطاتو د لوړولو لپاره کار کوي. د مدافع میکانیزمونو او د پالیسۍ ډیالوګ له لارې، موږ د حکومتونو سره کار کوو ترڅو د سیمه ایزو پرمختیایي پروژو لپاره ملاتړ او حمایت ترلاسه کړو او لا ډیرې همکارۍ ته وده ورکړو.
د تعلیمي نوښتونو تنظیمول:
د ستراتیژیکو او سیمه ییزو مطالعاتو افغان انسټیټیوټ علمي او تحقیقاتي سیمینارونه، ورکشاپونه، او تعلیمي پروګرامونه تنظیموي چې د سیمه ایز ارتباط ، د افغانستان د جغرافیایی موقعیت د برجسته کولو او د سیمې هیوادونو سره د تجارتي، اقتصادي او علمي اړیکو د تقویې او حمایت پورې اړوند موضوعاتو باندې تمرکز کوي. د دې نوښتونو موخه د تفاهم لوړول، د آګاهانه تصمیم نیولو پروسې ته وده ورکول، او له افغانستان سره د علمي، تجارتي او اقتصادي برخه کې د شریکانو ترمنځ د معلوماتي او تحقیقي ظرفیت لوړول دي ترڅو ګډو ستونزو ته د حل مناسبه لار پیدا کړل شي او د متقابلې سوکالۍ لپاره لازم فرصتونه برابر کړای شي.
کلتوري تبادله او د ځوانانو ښکیلتیا:
د ستراتیژیکو او سیمه ییزو مطالعاتو افغان انسټیټیوټ په فعاله توګه د کلتوري تبادلې پروګرامونه او د ځوانانو د سالمې او مثبتې ښکیلتیا نوښتونو ته وده ورکوي. د سیمې د ځوانانو، محصلینو، څیړونکو او پوهانو لپاره د یو پلیټ فارم په برابرولو سره، موږ د کلتوري تفاهم او همکارۍ روحیې ته وده ورکوو، د سیمه ایزې همکارۍ او ثبات لپاره د ژمنو مشرانو د روزنې او پر علمي او تحقیقي معلوماتو بسیا نوي او ځوان نسل ته وده ورکوو.
د ستراتیژیکو او سیمه ییزو مطالعاتو افغان انسټیټیوټ د تحقیقي خپرونو او عامه پوهاوي له لارې هڅه کوي چې له اقتصادي پلوه د وصل شوې او باثباته سیمې د ایجاد لپاره لازم اقدامات ترسره کړي. موږ دې لید او هدف ته د رسیدو لپاره یو د یو اکاډمیک او پر عیني معلوماتو د استوارې لارې نقشه چمتو کوو، د هغو پالیسیو او نوښتونو ملاتړ کوو چې سیمه ایز ادغام، همکارۍ او پراختیا ته وده ورکوي. موږ ژمن یو چې د سیمې او خلکو لپاره له یو بل سره تړلي او سوکاله راتلونکي ته لاره هواره کړو.
لکه څنګه چې موږ د یو بل سره تړلي او سوکاله راتلونکي په لور دا سفر پیل کوو، موږ ټولو ښکیلو اړخونو ته بلنه ورکوو - له پالیسي جوړونکو او پوهانو څخه نیولې د سیمې ځوانانو پورې - چې د سیمه ایز پرمختګ او همکارۍ په دې علمي او تحقیقاتي هڅو کې له موږ سره یوځای شي.
په ګډه، موږ کولی شود سیمې د هیوادونو ترمنځ د سالمې همکاری پلونه جوړ کړو، تفاهم ته وده ورکړو او د افغانستان او پراخې سیمې لپاره د روښانه سبا په لور یوه لاره جوړه کړو. د ستراتیژیکو او سیمه ییزو مطالعاتو افغان انسټیټیوټ کې موږ د یوې سره تړلې او باثباته سیمې لید درک کولو ته ژمن یو، او موږ تاسو ته بلنه درکوو چې د دې مثبت علمی او تحقیقاتي سفر برخه شئ.